مش عارف

اريع سنين ونص ونسيت ان انا كنت هنا مش عارف ليه وازاي مروا بالسرعة دي

لا تحزن

لا تحزن
حاول
ان تنسى امس - امس انتهى ولن تستطيع تغييره
وان تعيش اليوم فاليوم ملك لك فاستمتع به وحاول ان تحقق كل احلامك
وان تحلم بغد مشرق ربما يكون غدا هو اليوم الذى طال انتظاره
بس كدة

هل تبقى مكان للشرفاء ؟

اللهم لا تعطنى القدرة على النفاق لا اريدها ولا اريد ان اتعلمها ولا اريد ان اصبح احد اولئك المهوسون بالنفاق والتطلع والوصولية والالتفاف حول الاشياء بغية الحصول على مصالح خاصة شخصية من اجل منصب او جاه او مال او مكانة لا استحقها

لا اعلم كيف ينامون يتكلمون يتشدقون دائما بالمبادئ والقيم والاخلاق وهم كل البعد عنها وهم فى اقصى مشارق الارض والاخلاق فى مغاربها

هم من امتلئت بهم حياتنا واسودت حياتنا بهم

تجدهم فى كل مكان وفى اى زمان وفى كافة المواقف ولديهم دائما هدف الظهور فى الامام بدون اى مجهود او بمجهود الاخرين او على حساب الاخرين او حتى عن طريق القضاء على الاخرين فلا فارق فى النهاية المهم ان يظهر وينتشر ويصبح هو الاقوى والافضل والاجمل والاشيك والاغنى والاذكى

بل يصبح هو رقم واحد دون ان يستحق حتى ان يكون صفر ع الشمال

بصراحة

بقوا كتير اوى اوى اوى

ولا ينفع معاهم مبيد حشرى ولا حتى ينفع معاهم سم فيران

بجد الحل الوحيد مع النوع ده من البشر ان انت تسيبه خالص الى ان يتحلل ذاتيا

عارفين ؟

النار لما مش بتلاقى حاجة تحرقها بتطفى لوحدها

الناس دى جواها نار مولعة وهى برضو الى هتحرقهم لوحدوهم

عارفين ليه برضوا ؟

علشان النوع ده من الناس خسارة فيه حتى بجنيه جاز وسخ

زمان

اوقات كتير بتمنى ارجع صغير

اوقات كتير بتمنى ارجع المدرسة

اوقات كتير بتمنى البس بيجامة كستور مقلمة

اوقات كتير بتمنى اكل على الطبلية بتاعة زمان

اوقات كتير بتمنى اخد المصروف من جدى الله يرحمه

اوقات كتير بتمنى استخبى تحت السريرعلشان خايف اتضرب

اوقات كتير بتمنى احدف العيال بتوع الشارع الى ورانا بالطوب

اوقات كتير بتمنى يكون معايا شلنات وبرايز ورق

اوقات كتير بتمنى اشيل فانوس بشمعة وامشى فى الشارغ وايديا تتلسع

اوقات كتير بتمنى بكرة يبقة الجمعة علشان ما اروحش المدرسة

اوقات كتير بتمنى استلف ساندوتش لانشون من الواد محمود زنكلونى واديله ساندوتش الحلاوة علشان مش بحبها

اوقات كتير بتمنى اصحى يوم الجمعة اتفرج على عالم الحيوان

اوقات كتير بتمنى اتعور فى ركبى والبيجامة تتقطع

اوقات كتير بتمنى العب بلى

اوقات كتيربتمنى اعمل حصالة خشب

اوقات كتير بتمنى اروح عند الجيران

اوقات كتير بتمنى اعمل طيارة ورق

اوقات كتير بتمنى العب بالراديو

اوقات كتير بتمنى اعمل مركب ورق

اوقات كتير بتمنى اشترى هدوم جديدة

اوقات كتير بتمنى العب كهربة

اوقات كتير بتمنى تروح عليا نومة وما اروحش المدرسة

اوقات كتير بتمنى يكون النهاردة حلم واصحى الاقى نفسى زمان

ذكرى

لقد تركتنى وحيدا فماذا افعل ؟
ستستمر الحياة - سنحزن قليلا - لا سنحزن كثيرا

ثم مرة اخرى ستاخذنا الحياة من جديد نبحث عن حب جديد او عشق جديد او وهم جديد
ثم تظهر مرة اخرى
لتزيد الجرح عمقا وتزيد القلب الما وتزيد الروح دمعا وحزن
ليس لفراقها
ليس للاشتياق اليها
ليس لعشقى لها
ليس لان القلب ينبض بعشقها
ولكن لان كل هذا كان ولم يعد كما كان
فقط امسى ليلاا واشرق فجرا
ولم يعد بالامكان انا يعود زمان كما كان

ذات صباح

استيقظت يوما من نومى ونظرت للنافذة وابتسمت للسماء وتمنيت ان ارى العالم اليوم بشكل جديد
ربما حين احاول التغيير يحدث التغيير
هل السماء صافية ؟
اين كراستى القديمة ؟
هل الطرق خالية ؟
اين القميص الابيض ؟
اين الحذاء الاسود؟
اين اشيائى القليلة المهملة ؟
لماذا جواربى دائما ناقصة ؟
لماذا الحنين دائما الى الامس ؟
اين الطريق وكيف اصل للعنوان ؟
اين هذا الشئ الصغير المسمى بالقلم ؟
اين عصافيرى ؟
ولماذا هى صامتة ؟
تعجبت من كل هذه الاشياء الناقصة على غير العادة
نظرت الى الساعة المتهالكة
ان الوقت لا يزال مبكرا جدا على مثل هذه الاشياء
اننا الان فى غفوة من الزمن ام ان الزمن نسينا ؟

ام اننا نتناسى ؟

ام اننا مفقودون فى هذه الحلقة الغامضة ؟
ما الحل ؟
هل انتظر ان تتحرك عقارب الساعة ام انام مرة اخرى ؟

انا مش مبسوط

لا اعلم من اين ابد ولا اعلم لماذا البداية ولا اعلم ما هى النهاية ولكن يجب ان ابدا اتحدث الى نفسى بعض الشئ
يجب ان اعرف لماذا كل هذا الحزن ؟
لماذا فقدت القدرة على السعادة ؟
لماذا الاغانى حزينة ؟
لماذا العيون حزينة ؟
لماذا القلوب تبكى ؟
لماذا العيون تدمى ؟
لماذا كل هذا ؟
اين سعادتى القديمة ؟
اين ذهبت ؟
لقد كنت اشعر بالسعادة من مجرد كلمة
نظرة عابرة
ضحكة بريئة
هل اختفت هذه الاشياء من حياتنا تماما ؟
هل تحولت الى الة للحزن ؟
اين هى سعادتى ؟
بل اين حزنى ؟
لا اجد ما يحزنى بقدر ما اشعر اننى ابحث عن الحزن
بالفعل انا حزين ولكن لا ادرى ما هو السبب
ربما ابحث عن شى لا يعلمه احد
ولا اعلمه انا ايضا
ربما هى سبب حزنى وشقائى
سبب دمعى وبكائى
سبب المى وعذابى
ولكن من هى ؟
لا اعلمها - اقسم اننى لا اعلمها
ربما حين اجدها استريح من هذا العناء
وربما يزداد عنائى
وربما يشتد بكائى
ولكننى ساكون سعيدا
ربما.....
لاننى ساعرف سبب حزنى وبكائى

انا

نفسى اروح السينما لوحدى
نفسى اتمشى على الكورنيش الصبح بدرى
نفسى اروح اسكندرية فى الشتاء
نفسى اشرب شاى بالنعناع على قهوة فى وسط البلد
نفسى اسمع فيروز
نفسى اغنى بننجرح بتاعة منير على مسرح الاوبرا
نفسى انزل البحر
نفسى اكل كشرى
نفسى فى حفلة كبيرة لمنير وفيروز ان شاء الله يلغوا الاغانى بعد كدة
نفسى اروح لدكتور سنان بس خايف
نفسى الاقى حد يسمعنى من غير ما يرد عليا
نفسى اقعد على النيل من غير كازينو
هذا عن نفسى
واما عن ما حولى
نفسى يوتوبيا تبئة اجمل مجلة
نفسى مصطفى يتجوز
نفسى محمد يبئة دكتور
نفسى كريم يبئة مهندس
نفسى نور تكبر وتقول بتعيط ليه
نفسى المشروع يخلص
نفسى البلد تتغير
نفسى قانون الطوارى يتلغى
نفسى يتخلصوا من الحرس القديم والجديد وما يبئاش فى حرس اساسا
نفسى الزحمة تخف شوية
نفسى الحاجة تبطل تغلى
نفسى نوصل كاس العالم
نفسى فى جناين وشجر وورد
نفسى فى بحر من غير رسوم دخول
نفسى مصر تبئة مصر
ونفسى بكرة يبئة احلى
نفسى المركب تتعدل بئة - خلاص زهقنا

مصر تعبت خلاص

مصر يامه يا بهيه يام طرحه و جلابيه الزمن شاب وانتي شابه هو رايح و انتي جايه جايه فوق الصعب ماشيه فات عليكي ليل و ميه و احتمالك هو ّ هو ّ و ابتسامتك هيّ هيّ تضحكي للصبح يصبح بعد ليله و مغربيه تطلع الشمس تلاقيكي معجبانيه و صبيه يا بهيه

هى دى مصر